Umpasa Simalungun

1. Urat ni gatap tano, rongging marsiranggoman
Age pe padao-dao, Tondyttai tong marsigomgoman

2. Ia bagod i nakkih, ilambung ni sampuran
Ia jaman on jaman canggih, ulang lupa hubani Tuhan

3. Halambir ni sindamak, ikuhur dop ibola
Sinaha pe nini halak, ulang lupa bani horja

4. Juma ni Tigarunggu, tubuhan lata-lata
Rajin ma hita mar minggu, ase tong-tong ihasomani Tuhanta

5. Sinjata ni Indonesia, mariam dohot mortir
Andohar Indonesia jaya, Rakyat ni pe homa makmur

6. I lambung passa-passa, Tubu bonani tobu
Age aha pe namasa, Hita ulang mahua

7. Ratting ni hayu bor-bor, ibaen hu pingging pasu
Anggo rajin martonggo, Jumpahan pasu-pasu

8. Boras ibagas supak, ibaen huparasanding
Horas nasiam na mulak, horas homa hanami na tading

9. Boras ni purba tua, iboan hu tiga balata
Horas ma hita sayur matua, itumpak-tumpak Naibatanta

10.Andor hadukka ma togu-togu ni lombu, togu-togu ni horbo, itogu hu Ajibata
Horas ma hita sayur matua, patogu-togu pahompu, das mar nini mar nono, ipasu-
pasu Naibatanta

11. Urat ni nangka, urat ni hotang
Hujape hita manlangkah, sai dapot-dapotan

12. Tubuh ma sanggar dohot tobu, dohor hupagar kawat
Tubuh ma anak pakon boru, jadi jolma na marpangkat

13. Urat ni riba dagei iboan hu Sukadame
Ulang bei sai marbadai, sai roh ma uhur dame

14. Dalan hua Ajibata, adong do tubuh Pisang
Anggo domma marrumah tangga, ulang ma adong hata mandok sirang

15. Tubu sanggar dohot tobu i dolok-dolok
Tubu ma anak pakon boru na mok-mok.
16. Arirang ni palia, madek-dek hu bong-bongan
Age adong parsalisihan, ulang mar sidom-doman

17. Tubu ma sanggar dohot tobu, parasaran ni piduk
Tubu ma anak pintar dohot boru na bisuk

18. Tubuh ma silanjuyang, itagil lang ra melus
Aha pe lang na hurang, anggo marhasoman Jesus

19. Sada sikortas kajang, padua kortas hulipat
Sadokah ham marlajang, sada ham do hansa na hudingat.

20. Habang ma anduhur, sogop hu goring-goring
Anggo pusuk uhur, eta ham mandoding-doding

21. Hondor ma langge mu, i dolok si Marsolpah
Holong ni atei mu, ingaton ku do ai madokah

22. Sihala sibarunje, ruak sihala bolon
Santabi ma bani umbei, dear nalang tarhorom

23. Itampul bulu lihom, bulung ni irantingkon
Hatamu do masihol, hape uhur mu manadingkon

24. Sedo lak-lak hasundur, haronduk ni buluk ku
Sedo halak hu sukkun, harosuh ni uhurhu

25. Tumpak ni piring ledeng, paledang-ledang pahu
Loja do hapeni inang, pagodang-godang kon au

26. Laklak itallik-tallik, i lambung ni pea-pea
halak na tahan marsik, ujungni jadi jolma na hasea

27. Lak-lakni tamba tua, hoppa mambuat kuah
Pasangap orang tua, tong-tong dapotan tuah

28. Lampuyang sakaranjang, bulung ni seng sadiha
Akkula do marganjang, uhur seng ope sadiha

29. Marboras ma halawas, i jual hu Belanda
Horas ma nasiam martugas, haganupan wartawan
30. Haporas ni silongkung, i huning i tubai
Anggo domma harosuh, ulang isumengi, lang ibadai

31. Isuan ma timbaho, isuan manoran-noran
Paubah ma parlaho, ulang songon sapari, ase iharosuhkon hasoman

32. Talaktak porling, sogop i bukkulan ni sopo
Indahan ni mata do borngin, ulang lalap ibodei lapo

33. Ulang ihondor gumba, timbaho sihondoran
Ulang martonggo rupa, parlaho do sitonggoran

34. Anduhur pinurputan, tading iparsobanan
Anggo uhur tinurutan, lang mar parsaranan

35. Rage anak ni bintang, rage so hapulhitan
Buei do hata namantin, paima tangan dapotan

36. Timbaho ni simarban, ulang mago sanrigat
Age lingot panonggor, ulang lupa pardingat

37. Boras sabur-saburan, iboban ni pinggan pasu
Horas hita ganupan, sai jumpahan pasu-pasu

38. Itarik gula, itanik songon tali
Age pe otik nasinari, ulang marsurei

39. Irlak-irlak ma senter, itoru ni durian
Lang adong labuni jenges, anggo talu do ujian

40. Initak ma sambor-bor, boras ronggit-ronggitan
Ijon hita manortor, ulang be borit-boritan

41. Lang be tartalgis hon, pagaman ma na ronggos hon
lang be tartangishon, paganan ma na tor-torhon

42. Habang ma kapal terbang, mamboan pinggan pasu
Age daoh ham marlajang, ulang lupa ham hubakku.

dikutip dari berbagai sumber

Iklan

20 Comments

  1. Posted April 11, 2008 at 3:51 pm | Permalink

    hahahah au coment partama..

    Horas

  2. Posted April 11, 2008 at 3:54 pm | Permalink

    hahahah…

    au paduahon….

    Horas simalungun

  3. ronald purba
    Posted April 30, 2008 at 6:34 pm | Permalink

    saya dari IMAS-USU (Ikatan Mahasiswa Simalungun – USU), sangat bangga dan terbantu sebagai generasi Simalungun yang masih dapat mengetahui umpasa yang ada dan ini juga menambah pengetahuan saya dan teman2 satu organisasi saya.
    Thanks.

  4. Sukanto Girsang
    Posted Mei 9, 2008 at 8:22 pm | Permalink

    Semoga kita sebagai orang simalungun tetap melestarikan adat simalungun, walaupun jauh dari Bona Pasogit.
    Motto tetap, HABONARON DO BONA

  5. MURSAING DAMANIK
    Posted Juni 29, 2008 at 6:47 pm | Permalink

    anggo i huta sinaman
    sidadolog partuanon
    anggo hita markawan
    ulang mata duiton

    sonaha pandapotmu?

  6. Posted September 13, 2008 at 12:49 pm | Permalink

    Habonaron Do Bona
    Ulang Lupa Hita Bona

  7. tien
    Posted Desember 16, 2008 at 11:14 am | Permalink

    horas 3 x

    patandahon diri ma lobei tene….

    au namargoran Tien Hock Sinaga
    tading i Pangkalpinang Prov. Kepulauan Bangka Belitung
    asal Sondiraya
    inang i rumah boru damanik hun Huta Bayu Raya
    dakdanak 1 halak naboru namargoran Crise Sartilia Sinaga

    Hobi :
    1. olah raga
    2. marmparlajari sejarah pakon adat (tarlobih Simalungun)

    nai ma lobei santorap on.
    pangindoanku hubani hasoman2 :
    anggo boi marsipatugahan ma hita nanibotohta
    pasal sonahaho adat2 na marlaku banta Simalungun
    songon (na paombahkon dakdanak, mangadati, marhusip pnl)
    anggo domma dapot nansiam tolong kirim hu alamat hu
    tienhock_sinaga@yahoo.com

  8. masni Sinaga
    Posted Maret 2, 2009 at 12:41 pm | Permalink

    simalungun harus memang jarus tetap dilestarikan, jadi jangan pernah lelah untuk membangun simalungun ni, dan jangan malu menjadi warga Simalungun.

    Horassssss…..

    horas

  9. inta Sinaga
    Posted Maret 2, 2009 at 12:51 pm | Permalink

    horas…..

    ulang lupa bona, anjaha ulang marnalupa bani budayatta,

    umpasa Simalungun on memang jenges tumang, anggo boi ulang marnaloja mambahen nalobih jenges use,
    halani bahat do naidapotkon hita hanjon,, aima namarisi podah hubanta ganupan….
    eXcELLenT!!!!!!!
    anggo boi ipabahat ma umpassa namarhubungan hubani Tuhanta teNe…

    diAteitupama….

    horas, kami selalu usahakan update umpasa yang terbaru. tapi kalau lae punya umpasa yang belum tercantum disini, silahan kirimkan ke kami melalui batak

  10. Girsang Sardolok
    Posted Maret 22, 2009 at 7:50 am | Permalink

    Komentar han Batam Island,,,,,,,,,,,,Salam Kenal ma hubani hita halak simalungun na adong iparrantouan Malas uhur mambasa Uppasa on janah malas homa uhur hubani nara manambahi uppasa on;
    HAYU HODONG
    PARSOGOPANNI ANDUHUR
    sONIN MA NA ADONG
    SONINMA MALASKON UHUR

    Diatei tupa…

  11. Bona rotua J Saragih
    Posted April 20, 2009 at 11:49 pm | Permalink

    horas,,,,,,
    au rotua saragih tene
    tading i tangerang sonari,,
    tapi anggo nassi bapa pakon inang I raya do
    andohar ma tongon ro kompakni hita halak simalungun

  12. Sahata Saragih
    Posted April 21, 2009 at 10:39 am | Permalink

    Perkenalan,

    Sahata Saragih, ex Batam.
    Sonari domma di Lippo Cikarang.

    Asal hun BAGE (Kecamatan Saribu Dolok)

    Diate Tupa Ma

  13. Rifdon Damanik
    Posted Oktober 2, 2009 at 3:50 pm | Permalink

    horas batta haganupan…………..

  14. Liem Saputra Damanik
    Posted Maret 24, 2010 at 3:31 pm | Permalink

    bintatar ma bittutur, uratni jabi jabi
    patar ma hita martutur, daoh huta nami

    hehehehe

  15. Posted Oktober 8, 2010 at 11:51 pm | Permalink

    horas,,
    salam knalma bani hasoman haganup

    au marga hutapea
    inang parrumah boru saragih han purbatua

  16. Jems Saragih
    Posted November 6, 2010 at 12:13 pm | Permalink

    Jems Saragih ( Parsondi Raya )

    Ditulis pada tanggal 5 Nov 2010

    Diate tupama bani hasoman na dob manulishon umpasani ijon, jadi boi generasi muda na dob tading i kota boi atappe ibotoh ni marumpasa Simalungun. Horasss…….Simalungun

  17. jhon riahman sinaga
    Posted Mei 28, 2011 at 5:34 pm | Permalink

    horasss.. hita simalungun do na pabanggalkon budaya ta tarlobih ma hita generasi sonri on.. ta paubah ma uhurta ase buka hita diri ta bei..

  18. Ikuten Barus
    Posted Juni 28, 2011 at 11:23 am | Permalink

    Dalan hu Haranggaol, bahat bulung ni pisang
    Pala-pala margaul, ulang be namin sirang.

    Horas Simalungun. Mejuah Juah.

  19. Posted November 1, 2012 at 8:40 am | Permalink

    horass………… salam marsitandaan ma hubanta haganup na marpangahap simalungun.
    au tading i bekasi
    anggo orang tua i pematang Panei do.

    “Boras sabur-saburan, iboban ni pinggan pasu
    Horas hita ganupan, sai jumpahan pasu-pasu”

    diate tupa banta haganupan.

  20. m.purba
    Posted Maret 10, 2017 at 7:07 am | Permalink

    horas ma bata haganupan mantap do uppasata on


Tulis sebuah Komentar

Required fields are marked *
*
*

%d blogger menyukai ini: