Rakut Si Telu

Kalimbubu
Mehamat Erkalimbubu

Kalimbubu ibas kalak Karo emekap si harus ihamati ras ikelengi. Adi kalak karo si dekah erdalan itengah kerangen ras kalimbubu la banci lang anak beru arah lebe, ertina adi lit musuh entah pe rubia-rubia si merawa entah pe duri entahpe bulung si megatel gelah anak beru kena leben, gelah selamat kalimbubu ibas bahaya nari. Bagepe adi erdalan pagi-pagi namuren denga dalan, anak beru nge arah lebe, gelah enggo keri namur e isapu anak beru segelah kalimbubu lanai namuren. Adi ngerana kalimbubu ibas sada runggun labo banci ia isimbaki. “Bagi page ibas lebeng pe ikurkuri gelah lit man nakan turang” Bagem kuan-kuan kalak Karo ncidahken kekelengen anak beru nandangi kalimbubu.
Kalimbubu adalah kelompok pemberi dara dalam Masyarakat Karo, kalimbubu ini ada beberapa jenis, yaitu:

  1. kalimbubu tua/ kalimbubu bena-bena;
  2. kalimbubu simupus/kalimbubu dareh;
  3. kalimbubu kampah;
  4. kalimbubu simajek dalikan;
  5. kalimbubu siperdemui;
  6. kalimbubu sembuyak;
  7. kalimbubu taneh/kalimbubu sinajek lulang;
  8. puang kalimbubu (kalimbubu dari kalimbubu);
  9. puang ni puang (kalimbubu dari puang kalimbubu).

Senina
Metenget Ersenina

Senina eme si rusur teman runggu. Adi kalak Karo si dekah Senina Sada Utang Sada Ido nina. Utang seninanta banci nge itunggu kalak man banta, bagepe ido seninanta tek ka nge kalak kita ngalokenca. Metenget ersenina perlu kal ijaga gelah ula sempat retak, rubat. Teman meriah enterem nge, tapi teman tangis senina e ka ngenca. Emaka rugi kal adi kita rubat ersenina, dalan sirang labo lit, emaka arus metenget gelah ula sempat rubat, nggit sitewasen, ula subuki anem la pe iakap teng-tengsa. Ulin min si ban man seninanta asa man ise pe sebab e nge teman ngandung ras ermeriah ukur. Adi lit si la tabehen ukur ras seninanta si pala-palailah pekenasa.
Senina adalah kelompok yang semarga dalam Masyarakat Karo, senina ini ada beberapa jenis, yaitu:

  1. sembuyak;
  2. senina siparibanen;
  3. senina sipemeren;
  4. senina sipengalon;
  5. senina sicimbangen.

Anakberu
Metami Man Anak Beru

Kuan kuan kalak Karo “Mangkuk reh, mangkuk lawes”, mbages kel ertina. Adi anak beru enggo erbahan si mehuli nandangi kalimbubu maka kalimbubu pe arus erbahan si mehuli man anak beru, amin gia lain-lain bentukna. Kalimbubu la banci la erpengagak nandangi anak beruna, bas kai murde la banci lang arus isampatina. Bage nge ertina jadi dibata ni idah, ngidah kerina situasi. Bagepe anak beruna la pe isuruh kalimbubuna, enggo leben ikalakina juma kalimbubuna. Bere-berenta man beren kin. Erpengagak kin jadi kalimbubu, la ipondona si bereken gelah puas kal ukurna. Gundari bere-bere pe lanai bo tersuruh, adi kita la si cidahken kekelengenta man bana. Ula min bagi si gundari, erjabu beberena luah si ngalo bere-bere pe palsu, labo mamana e sinukursa tapi siempo nge. Emaka akapna mamana pe mama palsu nge. Aturenna ije me i cidahken ate keleng erbere-bere, alu luah mamana, keleng kel atena barang e. Tole, ula kal si diberu i cekurakina entah pe irawaina turangkuna. Bage pe si dilaki, ula kal i rawaina ntah ipandangina turangkuna tah silihna. Adi la si akap teng-teng silihta, banci sidilo turangta, turangta e banci siajarken entah sirawai. Maka iban kerja Tahun pe gelah setahun sekalilah gia sidahi-dahin. Kalimbubu ndahi anak beruna ras anak-anak kerina gelah itandaina bengkilana ras impalna, bagepe anak beru nandangi kalimbubu. Kai kin ateta luahta maka meriah ukur silihta ras beberenta e lah si baba, bageka anak beru nanadangi kalimbubu ras permenna.
Anakberu adalah kelompok penerima dara dalam Masyarakat Karo, anakberu ini ada beberapa jenis, yaitu:

  1. anakberu ipupus/anakberu dareh;
  2. anakberu iangkip;
  3. anakberu sincekuh baka tutup;
  4. anakberu tua;
  5. anakberu singerana, sirunggu (singerakut bide);
  6. anakberu menteri;
  7. anakberu singikuri;
  8. anakberu singikuti.

Sumber: Berbagai sumber

Iklan

One Comment

  1. andi
    Posted Juli 18, 2008 at 10:08 am | Permalink

    Saya sangat bertima kasih kepada penyebar artikel ini, mohon kiranya mengenai :
    kalimbubu tua/ kalimbubu bena-bena;
    kalimbubu simupus/kalimbubu dareh;
    kalimbubu kampah;
    kalimbubu simajek dalikan;
    kalimbubu siperdemui;
    kalimbubu sembuyak;
    kalimbubu taneh/kalimbubu sinajek lulang;
    puang kalimbubu (kalimbubu dari kalimbubu);
    puang ni puang (kalimbubu dari puang kalimbubu).

    kelompok pemberi dara dalam MasyarakatKaro (dalam hal ini kalimbubu)dapat dijelaskan contoh dalam perkawinan A siapa yang dikatakan kalimbubu tua, kalimbubu sumupus dan seterusnya.
    Dan begitu juga siapa sembunyaknya, senina siparibanen;
    senina sipemeren, anakberu ipupus/anakberu dareh,
    anakberu iangkip anakberu sincekuh baka tutup dan seterusnya.

    Saya sangat mengharapkan kepada penyebar artikel dapat memuat diinternet karena saya belum mengerti mengenai peradatan karo dan saya ingin belajar untuk dapat mengerti tentang kebudayaan adat karo kita.
    Sebelim dan sesudahnya saya ucapkan terima kasih.

    Bujur ras mejuah-juah.


Tulis sebuah Komentar

Required fields are marked *
*
*

%d blogger menyukai ini: